Bu barədə İran İnsan Haqları Təşkilatı xəbər yayıb.
Məlumata görə, iyulun 8-də intihar edən şəxs edama məhkum edilmiş Məsud Xeyrabadi çox sayda dərman preparatı içərək intihar edib.
Qeyd edək ki, aprelin 12-də Beynəlxalq Əfv Təşkilatı İran zindanları ilə bağlı yayınladığı 108 səhifəlik hesabatda İranda məhbusların saxlanma şəraitinin dözülməz olduğunu bildirib.
“İran hökuməti həbsxanaları bilərəkdən məhbuslar üçün ölüm otaqlarına çevirib”-deyə, hesabatda qeyd olunub.
Hesabatda bildirilir ki, rəsmi olaraq adları bəlli olan həyatını itirmiş 96 məhkumun 22-i Urmu şəhər zindanının “payına düşür”.