Qəzzada müharibənin davam etdiyi bir vaxtda İraq və Suriyada yerləşən Amerika qüvvələri dəfələrlə hücuma məruz qalıb. Amerika rəsmisinin sözlərinə görə, bu hücumlarda dörd hərbçi və ABŞ ordusunun beş əməkdaşı yüngül yaralanıb, lakin onların hamısı sağalıb və vəzifələrinə qayıdıblar.
Pentaqonun sözçüsü general Patrik Rayder bu hücumlara cavab olaraq bildirib ki, Vaşinqtonda İran hökumətinin ötən günlərdə Amerika qüvvələrinə qarşı hücumlara “aydın şəkildə əmr verdiyini” göstərən məlumat yoxdur, lakin bu hücumlara cavabdeh olan qruplar İslam Respublikasının himayəsi altındadır və biz son nəticədə İranı məsuliyyətli hesab edirik.
