Marağada iki vaksinasiyon mərkəzi istifadəyə verilib. Mərkəzlərdən biri Şəhrdarinin Böhran İdarəetmə salonunda, o biri isə Xacə Nəsir klinikində fəaliyyətə başlayıb. Bu barədə Marağa Tibb Elmləri Danişkədəsinin başqanı Əsgər Tənumənd açıqlama verib. O, bildirib ki, sözügedən mərkəzlərdə yalnız koronavirusa qarşı vaksinasyon icra edilir. Qurum məsulu hazırda 80 və daha yuxarı yaş qruplarının vaksinasiyon edildiyini söyləyib. Məlumata görə, gələn şənbə günündən başlayaraq mərkəzlərdə 75 yaş və yuxarı yaş qruplarının vaksinasiyonuna da başlanılacaq.
