“Azərbaycanda yaşanan işğal faktorunun arxasında Fransa da var”. Bunu Türkiyə Prezidenti Rəcəb Tayyib Ərdoğan Kayseridə çıxışı zamanı deyib. O, bildirib ki, Fransa Avropada Təhlükəsizlik və Əməkdaşlıq Təşkilatının Minsk qrupunun həmsədri olaraq erməniləri silahlandırmaqdan başqa heç bir şey etməyib.
“İnanıram ki, azərbaycanlı qardaşlarımız bu mücadilədə qələbə qazanacaqlar. Azərbaycan torpaqları işğal edildiyi zaman lal, kar və kor olanlar vardı, onlar iküzlü və yalançıdırlar. Türkiyə Azərbaycanın azadlıq mübarizəsinə hər cür dəstək verməyə davam edəcək”, – deyə ölkə başçısı vurğulayıb.
