Təbriz-Xoca yolundan Əhərə doğru olan məsirdə, Təbrizin quzey-doğusundan 25 kilometr aralıda yerləşən dağ silsilələri əraziyə gəlmiş turislərin diqqətini çəkir. Bu səbəbdən də Aladağlar şərqi Azərbaycanın turistik məkanlarından biri hesab edilir. Belə ki, dağların başlıca özəlliyi müxtəlif rəng çalarlarını əks etdirməsidir. Bu da şoran torpaq örtüyündən asılıdır. Eləcə də torpaqda çoxlu miqdarda çeşidli mədən maddələrinin olması da gözoxşayan mənzərənin ortaya çıxmasına səbəb olur.