Siyasi səbəblərdən təqib olunan gənc Elektron Qeydiyyat Sistemi vasitəsilə artıq bildiriş alıb. Sənəddə onun yanvar ayının 27-si səhər saat 10:00-da Təbriz şəhərinin İnqilab Məhkəməsinin İkinci Şöbəsinə “dəvət” olunduğu deyilib.
Salar Tahir Əfşar – Güney Azərbaycanın Urmiya bölgəsindən olan Azərbaycan Milli Hərəkatı fəalıdır. O, keçən ay Urmiyada təhlükəsizlik qüvvələri tərəfindən həbs edilərək Təbriz Kəşfiyyat İdarəsinə təhvil verilmişdi. Salar Tahir Əfşar bir həftə təcridxanada saxlanıldıqdan sonra məhkəmə prosesinin sonunadək müvəqqəti olaraq azadlığa buraxılmışdı.
