Ermənistan Təhlükəsizlik Şurasının dəbiri Armen Qriqoryan keçmiş xarici işlər vəziri Ara Ayvazyanı əsirlərin qaytarılmasını əngəlləməkdə ittiham edib.
AN.T-nin məlumatına görə, Armen Qriqoryan “Azadlıq” radiosunun erməni bölməsinə müsahibəsində bildirib ki, əsir məsələsini meyin 27-dək həll etmək mümkün olmayıb.
“Ayvazyan bizim tərəfdaşlara deyirdi ki, sanki minalanmış ərazilərin nəqşəsi yoxdur, hansıları ki, artıq o, istefa verəndən sonra biz qarşı tərəfə verdik. Ayvazyan istefa verəndən sonra məsələ həll olundu”, – deyə o qeyd edib
Armen Qriqoryanın sözlərinə görə, Ara Ayvazyan təkcə yalan danışmayıb, həm də əsirlərin qaytarılması prosesini əngəlləyib.
Armen Qriqoryan hesab edir ki, keçmiş vəzirin təhlükəsizlik məsələlərini həll etmək istəyi olmayıb, yalnız Baş vəzir əvəzi Nikol Paşinyanın siyasi timi üçün problemlər yaratmaq məqsədi güdüb: “Bizdə suallar yaranır, necə oldu ki, müşkül uzun müddət həll olunmurdu, Ara Ayvazyan istefa verən kimi və danışıqlarda iştirakı dayanan anda məsələ həllini tapdı?”
Ermənistan hakimiyyətinin min basdırılmış yerlərin nəqşələrini əsirlərin qaytarılması qarşılığında təhvil verməyə hazır olub-olmaması barədə suala cavabında Armen Qriqoryan istənilən addıma oxşar qaydada cavab verməyə hazır olduqlarını deyib.
Qeyd edək ki, Ara Ayvazyan meyin 27-də Nikol Paşinyan Azərbaycanla sərhəddə vəziyyətin gərginliyinə dair planını açıqlayandan sonra xarici işlər vəziri vəzifəsindən istefa verib. Onun ardınca isə 3 müavini – Qaqik Qalaçyan, Artak Apitonyan və Armen Gevondyan da istefasını açıqlayıb.
Sonuncunun istefası qəbul olunmayıb.
