İraqın nüfuzlu şiə ruhanisi və Sədr Hərəkatının lideri Müqtəda Sədr tərəfdarlarının Bağdadın Yaşıl Bölgəsindəki Hökumət Sarayına hücumundan sonra İraqın təhlükəsizlik qüvvələri Yaşıl Bölgəni etirazçılardan boşaltmaq üçün müdaxilə edib. Sədr tərəfdarlarının hücumu onun siyasətdən getdiyini elan etdikdən sonra baş verib.
AFP xəbər ajansının məlumatına görə, avqustun 29-da keçirilən əməliyyat zamanı 8 etirazçı öldürülüb. Bundan sonra İraq hökuməti ölkə daxilində komendant saatı elan edib.