Bunu Belarusun müdafiə naziri Viktor Xrenin deyib.
“Lazım gəlsə, bizim strateji nüvə silahlarımız da olacaq. Və biz artıq mövcud məkanlarımızı hazırlayırıq. Düşmənçilik ritorikası davam edərsə, bu, növbəti addım olacaq. Biz gücə ancaq güclə cavab verəcəyik. Bu fərqlidir. Qərbdə bunu anlamırlar”, – o bildirib.
O qeyd edib ki, Belarusda yerləşdiriləcək taktiki nüvə silahlarından yalnız Rusiya tərəfi istifadə edə bilər:
“Belarus nüvə silahı daşıya bilən avadanlıqlar, təyyarələr hazırlayıb. Nüvə başlıqları olan raketlərdən istifadə etmək qabiliyyətinə malik müasir “İsgəndər” kompleksi almışıq”.