Atom Enerjisi üzrə Beynəlmiləl Ajans İranın atom məkanlarında monitorinq fəaliyyətini davam etdirəcək.
Bu fikirləri Tehrana səfərdən geri dönən Atom Enerjisi üzrə Beynəlmiləl Ajansın baş müdiri Rafael Qrossi bildirib. Onun sözlərinə görə, 3 aylıq müddət üçün əldə edilmiş tekniki anlaşmaya əsasən, müfəttişlər öz işlərini davam etdirə biləcəklər. Ancaq onların müvafiq məkanlara girişi əvvəlki kimi olmayacaq. Bildirilib ki, qarşıdakı 3 ay ərzində monitorinqlər və əməkdaşlıqla bağlı daha geniş razılaşma üzərində iş aparılacaq.
