Gediş-gəlişlərin artması nəticəsində Üsküdə koronavirusa yoluxanların sayı 24 nəfərə çatıb. Üskü şəhərinin başçısının sözlərinə görə, bu durum davam edərsə, koronavirusa yoluxma sayında kəskin artım ola bilər. Babək Rəzi Məneş icra qurumlarını sağlıq qaydalarına əməl etmə prosesini nəzarətdə saxlamağa çağırıb. Qayda pozuntularına yol verən şəxslərin məsuliyyətə cəlb edilməsinin gərəkliliyini bildirilib. Açıqlamaya görə, koronavirus mərizlərinin sayı 2 min 762 nəfərə çatıb. 146 nəfər koronavirusdan həyatını itirib. Üskünün Koronavirusla Mübarizə Qərargahının rəisi şəhərdə “Britaniya növü”nün yayılması ilə bağlı nigaranlığını dilə gətirib.
