O, Tehran İnqilab Məhkəməsi tərəfindən “Marsksist cərəyanlara üzv olmaqla ölkənin milli təhlükəsizliyinə qarşı çıxmaq” ittihamı ilə 3 il 5 ay həbs cəzasına məhkum edilib.
Yaşar Tohidi 23 iyun 2021-ci ildə İranın Təhlükəsizlik və Kəşfiyyat Nazirliyi (ETTELAAT) tərəfindən saxlanılaraq Evin həbsxanasının təhlükəsizlik orqanının nəzarətində olan təcridxanasına köçürülüb.
Tohidi 12 gün dindirildikdən sonra 500 milyon tümən girov qarşılığında müvəqqəti olaraq məhkəməyə qədər azadlığa buraxılmışdı. O, bundan öncə də dinc fəaliyyətlərinə görə dəfələrlə saxlanılıb və basqılarla üzləşib.