Bu barədə İranın BMT-dəki daimi nümayəndəliyinin BMT-nin baş katibi Antonio Quterreş və Təhlükəsizlik Şurasının sədri Vanessa Freyzerə göndərdiyi məktubda deyilir (aprelin 1-də BMT Təhlükəsizlik Şurasına sədrlik Maltaya keçib – red.).
Qeyd olunub ki, İran Birləşmiş Millətlər Təşkilatının məsul üzvü kimi qurumun nizamnaməsində və beynəlxalq hüquqda təsbit olunmuş məqsəd və prinsiplərə sadiqdir, regionda gərginliyin artmasına və münaqişəyə can atmadığına dair ardıcıl mövqeyini bir daha bəyan edir.
Bununla belə, İran xəbərdarlıq edib ki, “öz xalqını və maraqlarını istənilən təhlükədən qoruyacaq”.