İran

İran kəşfiyyatının keçmiş üzvü İstanbulda öldürülüb (Kamera Görüntü)

https://twitter.com/s7az2mm/status/1197542989880594432?ref_src=twsrc%5Etfw%7Ctwcamp%5Etweetembed%7Ctwterm%5E1197707885662396421&ref_url=https%3A%2F%2Fwww.independentturkish.com%2Fnode%2F95161

İran kəşfiyyatının keçmiş üzvü olduğu iddia edilən və rejimin müxalifi sayılan Məsud Mövləvi, İstanbulun mərkəzi Şişlidə tanışı ilə gecə küçədə gəzişərkən öldürülüb.

“Independent Turkish”-ə istinadla xəbər verir ki, arxadan yaxınlaşan naməlum şəxs Mövləviyə 11 dəfə atəş açaraq hadisə yerindən qaçıb.

Ağır yaralanmış Məsud Mövləvinin həyatını xilas etmək mümkün olmayıb.

İranın İsfahan şəhərində anadan olan Məsud Mövləvi “Telegram”-dakı “Qara qutu” (“Black Box”) adlı kanal vasitəsilə İran səlahiyyətlilərinə dair ifşaedici sənədləri açıqlamaqla tanınıb. 2018-ci ilin mart ayında fəaliyyətə başlayan “Qara qutu”da rejim müxalifi bir sıra tanınmış simaların korrupsiyalaşmasına dair sənədləri paylaşıb.

İran kəşfiyyatının keçmiş üzvü olduğu iddia edilən bu şəxs, bəzi mənbələrə görə, kəşfiyyat təşkilatı ilə əməkdaşlığını Türkiyədə də davam etdirib.

Mövləvinin ölümündən sonra bağlanan “Instagram” səhifəsində onun İranın keçmiş prezidentləri Haşimi Rəfsəncani, Məhəmməd Xatəmi və Mahmud Əhmədinejadla birlikdə şəkilləri var.

Related Articles

Bir cavab yazın

Back to top button