İranda yeniyetmələr və gənclər arasında uyuşdurucu maddə asılılığı olanların sayı ciddi şəkildə çoxalıb.
“Aznews tv” xəbər verir ki, bu bəlaya düçar olan cavan qızların da sayında ciddi artım var.
Ölkədə narkotik maddə tapmaq pizza tapmaqdan daha rahat bir hala gəlib çıxıb. Bəs kimdir günahkar? Ailə, cəmiyyət, yoxsa ölkənin narkotiklərlə mübarizə qurumları?
İranın böyük şəhərlərində narkotiklərə qurşanma yaşının getdikcə azalması ilə bağlı artıq illərdir ki, mütəxəssislər həyəcan təbili çalır.
Rəsmi rəqəmlərə görə, ölkədə narkotik maddələrə aludəçilik yaşı orta hesabla 15 yaş sayılır.
