İrandakı bəluc mənbələrinin yaydığı xəbərə görə, üç il əvvəl Sistan-Bəlucistan əyalətinin Səravan şəhərində həbs edilən məhkum Əbdülbasit Rigi bu gün səhər saatlarında Zahidan şəhərinin zindsnında dara çəkilib.
Bildirilir ki, edam edilən həmin şəxs bundan əvvəl Sistan-Bəlucistanda yaraqlı bəluclarla hökumət qüvvələri arasında baş verən silahlı qarşıdurmada bir neçə hökumət adamının qətlində, o cümlədən də Səravanın keçmiş cümə imamı Şeyx Əli Dehvarinin qətlində, eləcə də qanunsuz silah daşımaqda təqsirli bilinib.
Qeyd edilir ki, 33 yaşı olan gənc məhkum edam edilərkən evli və 3 uşaq atası olub.
Qeyd edək ki, İran İslam Respublikası ölkə əhalisinin sayına nisbətən həyata keçirdiyi edamların sayına görə dünyada 1-ci yeri tutur.