“Əmir Əlişir Nəvainin əsərlərini 2012-ci ildə tanımışam. Nəvainin 4 cildlik türkcə şeirlər toplusunun olduğunu bildikdən sonra onun 2900 qəzəlini müasir və anlaşılan Azərbaycan türkcəsinə çevirmişəm.
Nəvainin birlikdə “Xəzain-ül-Maanı” adı ilə tanınan 4 cildlik şeirlər toplusu var. Onlar “Qəraib-ül-Siğr”, “Nəvadir-ül-Şəbab”, “Bədayi-ül-Vəsət” və “Fəvaid-ül-Kibr” adlanır”, – deyə Rəzmi vurğulayıb.
Qeyd edək ki, Əmir Əlişir Nəvai türk etnosu tarixində ədəbiyyat üzrə böyük şəxsiyyət hesab olunur. Nəvai 30 əsər yaradıcısı olaraq 28 əsərini türkcə yazıb.