İran Su və Enerji Mənbələrinin İnkişafı Şirkətinin müdiri ölkədə hökm sürən quraqlıqla bağlı deyib ki, bəndlərdəki su ehtiyatlarının həcmi 37 faiz azalıb.
“Aznews tv” xəbərinə görə, Həsən Rəzəvi bildirib: “Meteorologiya Təşkilatının proqnozlarına görə, bu il qış ayları ərzində normal yağıntı olacaq. Lakin quraqlıq keçən ötən ildəki və cari ilin payızındakı vəziyyətə diqqət etsək su ehtiyatlarının 37% azalması ilə üzləşdiyimizi görərik. Ümumiyyətlə, bu il su ehtiyatları baxımından əlverişli şərait olmayıb”.
“Əvvəlki illərdəki quraqlıq təcrübələri əsasında atılan addımlar və görülən tədbirlər əsasında çalışmışıq ki, 1401-ci ildə (2022) əhaliyə su və elektrik enerjisi verilməsində ən az problem yaşansın”, -deyə o əlavə edib.
Rəzəvi sonda bu il 15 su bəndindən istifadə edildiyini qeyd edib.