Bu barədə təşkilatın Yaxın Şərq və Şimali Afrika Regional Ofisinin direktor müavini Diana Əl Tahavi bildirib.
Bəyanatda bəlucların həftəlik dinc etiraz aksiyalarına qarşı hökumət məmurlarının güc tətbiq etməsi, döyüş silahlarından atəş açılması və 18 yaşına çatmamış yeniyetmələrin, qadınların həbsi pislənilib.
Əl Təhavi dünya dövlətlərinə müraciət edərək onlardan Tehran hökumətinin bəluclara qarşı sistemli repressiya və işgəncə maşınının dayandırılması üçün təzyiq göstərmələrini istəyib.
Bəyanatda oktyabrın 20-də bəlucların keçirdiyi dinc aksiyaya şiddətli müdaxilə nəticəsində onlarla vətəndaşın yaralandığı, çox sayda narazının həbs edildiyi qeyd edilib.