Tanzaniyada Saniniu Laizer adlı mədənçi ölkə tarixinin bu günə qədərki iki ən böyük tanzı daşını taparaq, bir gecədə milyonçu olub. Daşlardan birinin ağırlığı 5,8, digəri isə 9,2 kiloqram ağırlığındadır. Laizer qiymətli daşları 3,4 milyon dollara Mədən vəzirliyinə satıb. Ölkə başçısı Con Maqufuli bu münasibətlə Laizeri təbrik edib. Laizer qazandığı pulla ticarət mərkəzi və yaşadığı bölgədə mədrəsə tikmək niyyətində olduğunu deyib.
