İranın Ticarətin İnkişafı Təşkilatının rəisi deyib ki, Şri-Lanka ölkədə bloklanmış İran pullarının on milyonlarla dollarını “çay kimi mallar şəklində” İslam Respublikasına ödəyəcək.
“Aznews tv” xəbərinə görə, Əlirza Peyman Pak çərşənbə günü deyib ki, doqquz il öncə İran neftinin satışından əldə edilən təxminən 250 milyon dollar gəlir Şri-Lankada müsadirə edilib.
Onun sözlərinə görə, iki ölkə arasında bu məbləğin və həmin 9 il ərzində onun faizinin çay kimi mallar formasında hər ay qaytarılması barədə razılıq əldə olunub.