Onun yaxınlarının verdiyi məlumata görə, fəal sürgün yerində qeydiyyata düşmək üçün iyulun 30-u səhər saat 09-da müraciət etsədə onu bir neçə saatlığına saxlayıblar.
Saxlanılması və dindirilməsinin qanunsuz olduğunu bildirən Əkbər Azad təhlükəsizlik məmurlarının suallarına yazılı və şifahı cavab verməkdən imtina etdiyi üçün onu axşam saat 19:30 dəqiqədə sərbəst buraxıblar.
Bundan əvvəl iyunun 11-də sürgünə göndərilən fəalın oğlunun ağır xəstə olduğu üçün müvəqqəti olaraq Tehrana qayıtmasına icazə verilmişdi.
Qeyd edək ki, 2017-ci il 21 fevralda Baharistan şəhərinin İnqilab Məhkəməsi Əkbər Azad, Əlirza Fərşi, Behnam Şeyxi və Həmid Mənafiyə 10 ildən 15 ilə qədər həbs və 2 il sürgün cəzası verib.
Lakin daha sonra fəalların hökmü Apellyasiya Məhkəməsində 2 il həbs və 2 il sürgün cəzası olaraq dəyişdirilib.