“Urmiya gölünü xilas edin”, “Urmiya gölü bərpa olunmalıdır, bunun separatizmlə heç bir əlaqəsi yoxdur”, “Milyonlarla günahsız insanın həyatı təhlükə altındadır”, – hazırlanmış bannerdə çap olunan mətnlərdə qeyd olunub.
Urmiya gölünün quruması 14 milyondan çox sakininin həyatını təhlükə altına qoyacaq və bu ərazi sakinlərin məcburi köçünə səbəb olacaq.
Urmiya gölünün quruması, nəticədə duz fırtınalarının baş verməsi təkcə region xalqı və İran ölkəsi üçün problem deyil, həm də beynəlxalq ekoloji təhlükədir. Ekoloji ekspertlərin fikrincə, Urmiya gölü ətrafında toz və aktiv duz fırtınaları 500 kilometrə qədər məsafəyə yayıla bilər.