“Aznews tv” xəbər verir ki, yaralananlarla yanaşı, şiddətli qasırğa sözügedən vilayətlərə ciddi maddi ziyan da vurub. Belə ki, Kərəc şəhərində ağacların aşması və qırılması ilə bağlı 14 fakt qeydə alınıb, elektrik və rabitə xətlərinə də ziyan dəyib.
Kərəc Bələdiyyəsinin Yanğından Mühafizə Xidmətinin rəisi Məhəmməd Cəmşidi bildirib ki, hava şəraiti bəzi yerlərdə elektrik enerjisinin kəsilməsinə səbəb olub, 5 yerdə vətəndaşlar liftdə qalıb və həmin şəxslər xilasedicilər tərəfindən xilas edilib.
Sosial mediada, habelə Tehranın Sohrəverdi bölgəsindəki telekommunikasiya qülləsinə dəyən zərərin görüntüləri yayılıb.