O, bu barədə “The Washington Post” qəzetinə müsahibəsində bildirib.
“Vasitəm olan kimi nəsə edəcəyəm. Fərqi yoxdur – heç kim mənə mane olmayacaq”, – deyə Zalujnı bildirib.
O, Ukraynanın qələbəsi ilə bağlı konsepsiyasını da açıqlayaraq, qeyd edib ki, ölkədə hələ də çox böyük iş var.
“Qələbə o zaman olacaq ki, bizim ordumuz – bəlkə də güclü ordumuz olsun. Bu, indi əlil arabalarında gəzən uşaqların təhlükəsizliyinə zəmanət verəcək ki, onlar belə şeylərin bir daha baş verməyəcəyini bilərək böyüyəcəklər”, – deyə baş komandan bildirib.
Ukrayna ordusunun baş komandanı daha əvvəl bildirib ki, silahlı qüvvələrin hərbçiləri 1 ay sonra Krımda olacaqlar.
Onun sözlərinə görə, qarşı tərəfin keçilməz müdafiə mövqelərinə malik olması cəfəngiyatdır:
“Biz artıq o mövqeləri keçmişik. Ukrayna ordusunun piyadaları və zirehli texnikası irəliləyir”.
Qeyd edək ki, Krım 2014-cü ildə qanunsuz şəkildə ilhaq edilib.