Urmuda çevrə fəalları afişalar yayıb, vətəndaşların diqqətini ekoloji problemə cəlb etməyə çalışıblar.
Fəallar “Urmu gölünün quruması dünyada iqlim dəyişikliyinə səbəb olacaq” yazılar yazılmış afişalar yaymaqla gölün canlandırılması üçün yetərli addımlar atmayan məsullara etirazlarını bildiriblər.
Bununla yanaşı bir qrup dağçı və çevrə fəalı Urmu gölünün durumuna diqqət çəkmək üçün Savalan dağına yürüş edib, dağın zirvəsində aksiya keçiriblər.
“Urmu gölü səni yaşatmaq üçün hər an selə dönə bilərik” və başqa bu kimi şüarlar səsləndirən alpinistlər Azərbaycan milli mahnıları oxuyub, ekoloji problem barədə çıxışlar ediblər.