Urmu şəhərində piyada keçidləri standartlara uyğun deyil. Şəhər sakinlərinin bu müşkülü uzun illərdir həllini tapmır. Belə ki, keçidlərin çoxu dağılıb və yararsız durumdadır. Bir sıra keçidlərdə isə otomobillərin, tikinti tullantılarının saxlanılması səbəbindən sakinlərin gediş-gəlişi çətinləşib. Bəziləri isə bir nəfərin keçə bilməyəcəyi qədər dardır. Yaranan durum özəlliklə fiziki məhdudiyyətli şəxslər üçün təhlükəlidir. Məsullar məsələ ilə bağlı müvafiq tədbirlər görməlidir.
