Güney azərbaycanlı milli-mədəni fəallar ssosial mediada paylaşım edərək siyasi məhbus Məhəmməd Eyninin durumundan xəbərsiz olduqları üçün onun taleindən nigəran olduqlarını yazıblar.
Fəallar Eyninin qanunsuz həbsinin gündəmdə saxlanılmasını, onun barəsində ailəsi və yaxınlarına məlumat verilməsi üçün ictimai şəbəkələrdə fəallıq göstərilməsinin vacibliyini qeyd ediblər.
Qeyd edək ki, yanvarın 23-də Gilan əyalətinin mərkəzi Rəşt şəhərinin təhlükəsizlik idarəsinə çağrılan Güney azərbaycanlı milli-mədəni fəal Məhəmməd Eyninin saxlanılıb və onun barəsində ailə üzvləri, yaxınlarına dəqiq məlumat verilmir.
