Bölgə

İsrailin BMT-dəki nümayəndəsiİranın atom bombası əldə etmək cəhdindən danışıb

O, İranın atom bombası əldə etmək üçün bir neçə həftəyə ehtiyacı olduğunu deyib.

İsrailin BMT-dəki nümayəndəsi Gilad Ardan İranın atom bombası əldə etmək cəhdindən danışıb və bu ölkənin atom bombası əldə etmək üçün bir neçə həftəyə ehtiyacı olduğunu deyib.

“Hal-hazırda İranın qabaqcıl sentrifuqaları fəaldır və ayətullahlar rejiminin nüvə bombası istehsal etmək üçün kifayət qədər zənginləşdirilmiş urana sahib olmasına cəmi bir neçə həftə qalıb”-deyə, səfir xəbərdarlıq edib.

Hazırkı İsrail hökuməti əvvəlki hökumət kimi beynəlxalq ictimaiyyətin İslam Respublikası ilə imzaladığı nüvə sazişinə qarşıdır və danışıqların Tehranın nüvə silahına yiyələnməsinin qarşısını alacaq bir vasitə kimi görmür.

İran hökuməti 2018-ci ildə Amerikanın əvvəlki administrasiyasının BMT Təhlükəsizlik Şurasından çıxması və razılaşmaya əsasən dayandırılmış sanksiyaların tətbiqi ilə uranın zənginləşdirilməsinə diqqət yetirərək nüvə proqramını bərpa edib.

Bayden administrasiyası Amerikanın 2015-ci il sazişinə yenidən qoşulmasını Vaşinqtonun milli maraqlarına uyğun hesab edir.

Qeyd edək ki, İsrailin BMT-dəki səfirinin xəbərdarlığı ilə eyni vaxtda Amerika prezidenti Co Bayden və İsrailin baş naziri Naftali Bennet telefonda ümumi bölgəsəl və qlobal məsələlər, o cümlədən “İran və onun proksi qruplaşmalarının təhdidləri” barədə danışıblar.

Bennetin ofisindən bildirilib ki, o, Baydenlə Tehranın Sepah-ı Amerikanın terrorçular siyahısından çıxarmaq istəyi haqda danışıb.

Bennet İsrailin əsl dostu olan Baydenin İslam İnqilabı Keşikçiləri Korpusunun (Sepah) terror təşkilatları siyahısından çıxarılmasına icazə verməyəcəyinə əminliyini bildirib.

“İsrail bu məsələ ilə bağlı mövqeyini açıq şəkildə ifadə edib: Sepah dünyanın ən böyük terror təşkilatıdır”, – deyə o əlavə edib.

Related Articles

Bir cavab yazın

Back to top button