Qərbi Azərbaycanın quzeyində Xoy, Dilməqan, güneyində isə Qoşaçay, Sulduz, Bəykəndi vilayətlərində koronavirusla bağlı durum narıncıdır. Quzeydə yerləşən Ərəbli və Çaldıran vilayətlərində durum hələ də göydür. 5 vilayətdə durumun narıncı olması sakinlərin sağlıq protokollarına düzgün riayət etmədiyini gödtərir. Bu fikirləri bəhmən ayının 25-də Qərbi Azərbaycan ustandarının siyasi, ictimai və əmniyət işləri müavini Əli Müstəfəvi səsləndirib. O, Urmu, Savucbulaq, Xana, Sarıdaş, Tikantəpə, Sayınqala, Üşno, Çaypara, Daşmakı vilayətlərində durumun sarı olmasına diqqət çəkib. Müstəfəvi durumun narıncıya çevrilməsinin qarşısını almaq üçün sağlıq qaydalarına əməl etməyin vacibliyini bildirib.
