Qərbi Azərbaycan əyalətinin Yollar və Şəhərsalma İdarəsinin başçısı Seyid Möhsün Həmzəlu əyalətdə yüz minlərlə insanın qəzalı evlərdə yaşadığını deyib.
“Qərbi Azərbaycan əyalətində 6588 hektar qeyri-rəsmi və riskli yaşayış məntəqələrində 544 min 444 ailə yaşayır və bunun 307 hektarı əyalət mərkəzi Urmu şəhərinin payına düşür”-deyə, Həmzəlu bildirib.
Bundan öncə Qərbi Azərbaycan əyalətinin mərkəzi Urmunun Şəhər Şurasının Mədəniyyət Komissiyasının başçısı Gülşən Novruzi hökuməti şəhərlərə diqqət sahəsində ayrı-seçkilik etməkdə günahlandırıb.
“Ölkənin çöllük və quraq bölgələrindəki şəhərlər abadlaşdırıldığı bir halda Urmu şəhərinə diqqət ayrılmayıb”-deyə, Mədəniyyət Komissiyasının başçısı mərkəzi fars şəhərləri ilə Urmu şəhəri arasında fərq qoyulduğunu bildirib.