Uzun illər Azərbaycan Respublikasının Təbrizdəki baş konsulu olmuş Əli Əlizadə Azərbaycanın Tehrandakı səfirliyinə rəhbərlik etdikdən sonra bu gün Şərqi Azərbaycanın siyasi rəsmiləri və iş adamları ilə görüşmək üçün Təbrizə səfər edir.
“Aznews tv” aldığı xəbərinə görə, o, səfər zamanı İranın ali rəhbərinin vilayətdəki nümayəndəsi, Şərqi Azərbaycan valisi və Təbriz Ticarət, Sənaye, Mədən və Kənd Təsərrüfatı Palatasının nümayəndə heyəti ilə görüşəcək, ticarət-iqtisadi əməkdaşlığın inkişafı yollarını müzakirə edəcək.
Görünür, səfərin gündəliyinə Şərqi Azərbaycan valisinin Azərbaycan Cumhuriyyətinə səfəri çərçivəsində əldə edilən razılaşmaların icrası və Azərbaycan Respublikasının yüksək vəzifəli şəxslərinin Təbrizə səfərinin planlaşdırılması kimi məsələlərin müzakirəsi daxildir.
