Televiziya aparıcıları Bərbəd Babayi, Peyman Şeyxi, Məcid Qəzənfəri, Məhəmməd Həsəni və Müctəba Purbəxş İran İslam Respublikasının Radio və Televiziyası ilə əməkdaşlığı dayandırıblar.
Adı çəkilən aparıcılar özlərinin sosial media hesablarında paylaşım edərək İranda etirazçılara qarşı şiddətli repressiyaları qınayıb və buna etiraz olaraq işdən uzaqlaşdıqlarını bildiriblər.
İstefalar və İran dövlət televizyasının canlı verilişinə müdaxilələrdən sonra hökumət radio-televiziyanın binasının girişlərində tanklar yerləşdirib.
Məsələ ilə bağlı yayılan xəbərlərdə hökumətin etirazçı kütlənin radio-televizya binasına hücum etməsindən qorxduğu üçün bu addımı atdığı deyilir.
