İranın Ali Milli Əmniyət Şurasının katibi Əli Şəmxani ölkəsinin 2015-ci ildə imzalanmış atom anlaşmasını canlandırmaq üçün irəli sürdüyü təklifləri “prinsipial” adlandırıb.
“Aznews tv” xəbər verir ki, o, eyni zamanda iddia edib ki, “Amerika tərəfindən siyasi qərarın qəbul edilməməsi” müzakirələrin hər saat əvvəlkindən daha da çətinləşməsinə yol açır.
Xatırladaq ki, bir neçə gün öncə Rusiyanın xarici işlər naziri Sergey Lavrov bildirmişdi ki, rəsmi Moskva Ukrayna müharibəsi ilə əlaqədar ölkəsinə qarşı qəbul edilmiş sanksiyaların İranla bir çox sahələrdə münasibətlərinə təsir etməyəcəyinə dair Vaşinqtondan yazılı zəmanət istəyib.
Mütəxəssislər Rusiyanın bu tələbinin atom danışıqlarını dalana dirədiyini və yekun razılaşmanın əldə edilməsinin qarşısında dayanan əsas maneə olduğunu qeyd edirlər.
