Almanın “Deutschlandfunk.de” internet saytında “Ermənilər Azərbaycana təhvil verməzdən əvvəl evlərə od vururlar” adlı məqalə dərc edilib. Məqalədə Azərbaycan və Ermənistan arasında əldə olunan atəşkəs razılaşmasına görə Kəlbəcər şəhristanının Azərbaycana təhvil verilməli olduğu bildirilir. Bu səbəbdən də Dağlıq Qarabağ bölgəsində yaşayan ermənilərin azərbaycanlılara qalmaması üçün tərk etdikləri evləri yandırdıqları qeyd edilib.
Məqalədə bildirilib ki, Rusiya vasitəçiliyi ilə əldə olunan razılaşmaya əsasən müharibə zamanı öldürülən əsgərlərin nəşlərinin mübadiləsinin həyata keçirilməsi nəzərdə tutulub. İlk mübadilə novambrın 14-də baş tutub.
