38 iranlı mədəni və siyasi fəal Amerika Prezidenti Co Baydenə məktub göndərib. Onlar dövlət başçısını İrana qarşı ən yüksək siyasi, diplomatik və mali basqıları tətbiq etməyə çağırıblar. Habelə Amerika liderindən İranda insan haqlarının durumunun normallaşdırılmasına dəstək verməsi istənilib. Fəallar ölkədə keçirilən dinc etirazların hökumət qüvvələri tərəfindən kobud şəkildə yatırıldığını, insan hüquq və azadlıqlarına etinasız münasibət bəslənildiyini vurğulayıblar.
Qeyd edək ki, məktubu imzalayanlardan bir neçəsi daha öncə Əli Xameneinin istefası tələbilə çıxış etdiklərinə görə məhkumluq həyatı yaşayıblar.
