ABŞ-ın Türkiyədəki səfiri Ceff Fleyk Türkiyənin ödədiyi F-35-lərin pulu ilə bağlı açıqlama verib.
Ceff Fleyk deyib ki, F16-larla bağlı danışıqlar yaxşı gedir. Ancaq bu, uzun, mürəkkəb və çox texniki bir prosesdir. Biz bunun üzərində işləyirik.
“Türkiyənin bu tələbini müsbət bir inkişaf olaraq görürük və Bayden rəhbərliyi prosesi dəstəkləməkdə qərarlıdır. Açığı, biz qarşılıqlı fəaliyyətin son dərəcə vacib olduğunu bilirik”, – Fleyk bildirib.
Səfir qeyd edib ki, F-35 döyüş təyyarələri üçün Türkiyənin ABŞ-a etdiyi ödənişə görə təzminat olub-olmamasına gəlincə bu, çox mürəkkəb bir prosesdir:
“Amma hüquqşünaslar və mühasiblər hər gün bu məsələ üzərində işləyirlər. Biz bunun öhdəsindən gələcəyik”.
