Hegst, bazar günü, 13 aprel 2025-də, “Fox News” telekanalına verdiyi müsahibədə dedi: “Prezident Tramp bu mövzuda tamamilə ciddidir. O, İranın nüvə silahına sahib olmaması üçün qərarlıdır. Bu mövqeyi 20 ildir dilə gətirir və bu məsələdə sabit qalıb.”
O əlavə etdi: “Prezident istəyir ki, bu məsələ danışıqlar yolu ilə həll olunsun və bu səbəblə, birbaşa bu danışıqlara qatılıb.”
Bu açıqlamalar ABŞ və İran arasında Oman Sultanlığında başlanan danışıqlar fonunda verilib. Danışıqlarda Amerika heyətinə ABŞ-ın Orta Doğu üzrə xüsusi nümayəndəsi “Stiv Vitkaf”, İran heyətinə isə xarici işlər naziri “Abbas Əraqçi” rəhbərlik edir.
Hegst bu danışıqlarla bağlı dedi: “Bu danışıqlar müsbət bir addım idi. Mən proqnoz vermək istəmirəm, amma Stiv Vitkaf əla iş gördü və bu yaxşı bir başlanğıcdır.”
O həmçinin xəbərdarlıq etdi: “Əgər danışıqlar yolu ilə nəticə əldə edə bilməsək, digər variantlar da var. O cümlədən hərbi müdaxilə. İranın heç vaxt nüvə silahına sahib olmamasını təmin etmək üçün bunu etməliyik.”
Hegst vurğuladı: “Ümid edirik ki, bu nöqtəyə çatmayacağıq, amma məcbur olsaq, hərəkətə keçəcəyik ki, İranın nüvə bombasına sahib olması qarşısını alaq.”
