“Bu, xarici işlər vəzirlərinin 5-ci üçtərəfli görüşüdür. Bu il Türkmənistanda keçirilməsi nəzərdə tutulan üç ölkənin dövlət başçılarının zirvə görüşünün hazırlıqlarını müzakirə etdik və bu zirvə görüşü ilə bağlı yol xəritəsini bəlli etdik”. Bu sözləri Türkiyə-Azərbaycan-Türkmənistan xarici işlər vəzirlərinin 5-ci üçtərəfli görüşündən sonra keçirilən brifinqdə Türkiyənin xarici işlər vəziri Mövlud Çavuşoğlu deyib. Onun sözlərinə görə, vəzirlər arasında görüş zamanı Əfqanıstan, terrorla mübarizə, bölgə və dünyada baş verən proseslər diqqət mərkəzində olub.
