Bu barədə Nazirliyin mətbuat xidməti məlumat yayıb.
XİN-in yaydığı bəyanatda biabırçı abidənin açılışının 31 Türkiyə diplomatının və onların ailə üzvlərinin ölümü ilə nəticələnən dəhşətli hücumlara səbəb olan qanlı terror aktının şöhrətləndirməsi olduğu bildirilib.
“Bu hadisənin erməni mətbuatında təqdim olunma tərzi onu göstərir ki, bəzi təfəkkürlərdə hələ də tarixin təhrif olunmuş şərhi var, onu qəbul etmək mümkün deyil.
Türkiyə ilə Ermənistan arasında münasibətlərin normallaşması prosesinin ruhuna uyğun gəlməyən bu cür təxribatçı addımlar heç bir halda regionda möhkəm və davamlı sülh və sabitliyin bərqərar edilməsi səylərinə töhfə verməyəcək, əksinə, normallaşma prosesinə mənfi təsir göstərəcək”, – deyə bəyanatda qeyd olunub. (modern)
