“Dəqiq məlumat əldə etmişəm ki, Məhəmmədbaqir Qalibafın xanımı, qızı və kürəkəni İstanbula səfərləri zamanı Maslak məhəlləsində yerləşən “Skyland” lüks yaşayış kompleksində ümumi dəyəri 40 milyard tümən olan iki mənzil satın alıblar”-deyə, jurnalist yazıb.
O, qeyd edib ki, mənzilin yerləşdiyi “Skyland” kompleksi Belqrad meşələrinin yaxınlığında və Qalatasaray futbol klubunun stadionunun yanında yerləşdiyi üçün ən bahalı komplekslərdən sayılır.
Bundan bir neçə gün öncə parlament sədrinin ailə üzvlərinin İstanbulda bahalı ticarət mərkzlərindən, mağazalardan fantastik məbləğdə alış-veriş etdikləri barədə məlumat yayılıb.
Məlumat və görüntülərin yayılmasından sonra məsələ sosial media istifadəçiləri və müxalif media nümayəndələrinin sərt reaksiyası ilə qarşılaşıb və onlar xalqı qənaət etməyə çağıran İran rəsmilərinin riyakar, korrupsioner olduqlarını yazıblar.
