Vəkilin bildirdiyinə görə, Tehran şəhər Ümumi və İnqilab Məhkəməsinin 26-cı şöbəsi müəllim və tanınmış həmkarlar ittifaqı fəalı Rəsul Budaği barəsində “əlbir olmaq və toplaşmaq”, habelə “hökumət əleyhinə təbliğat aparmaq” ittihamlarına görə ümumilikdə 5 il 6 ay həbs cəzası verib.
Bununla yanaşı, İran Müəllimlər Birliyinin fəal üzvü Cəfər İbrahimi eyni ittihamlarla 5 il, sözügedən birliyin sözçüsü Məhəmməd İbrahimi də eyni ittihamlara görə 4 il 7 ay həbs cəzasına məhkum edilib.
Hər üç müəllimə həbs cəzası ilə yanaşı, iki il müddətinə ictimai fəaliyyət göstərmək və ölkədən çıxmaq qadağası qoyulub.