“İdarə kitabda istifadə olunan dilin İran Azərbaycanının əsl türkcəsi və Təbriz ləhcəsi qaydalarına uyğun olmadığını əsas gətirərək, kitabın nəşrinə icazə vermədi”, – deyə azərbaycanlı yazıçı bildirib.
Qeyd edək ki, bir müddət əvvəl Şərqi Azərbaycan əyalətinin Mədəniyyət və İrşad İdarəsinin mətbuat məsələləri üzrə sədr müavini Həsən Güli Azərbaycan dilində nəşr olunan kitabların dili ilə bağlı açıqlamasında İranda Azərbaycan ədəbi dilində olan və Azərbaycan Respublikasında qəbul olunmuş dövlət dili qaydalarına riayət edilən kitabların nəşrinə icazə verilməyəcəyini söyləyib.
“Türk dilinin müxtəlif ləhcələri var. Qonşu ölkələrdə də bu dildə fərqli ləhcələrdə danışılır və müxtəlif əlifbalarda yazılır. Ancaq əsl türk dili İranda danışılan türkcənin Təbriz ləhcəsidir. Bütün kitablarda bu qaydaya riayət olunmalıdır”, – deyə Güli bildirib.
Qeyd edək ki, İran ideoloqları onillərdir Azərbaycan xalqının vahid ədəbi dilinin olmamasına çalışır. Burada məkrli məqsəd xalqı parçalamaq, ləhcə fərqini insanların bir-birini zəif anlayacağı səviyyəyə çatdırmaqdır.
