Onlardan 8-nin qətldə, ikisinin isə qeyri-qanuni cinsi münasibətdə olduqları üçün edama məhkum edildiyi bildirilir. Edam olunanlar barədə İran məhkəmə sistemi və rəsmi dövlət mediası məlumat yaymayıb. Bu üzdən onlardan yalnız ikisinin – İman Səfərirad və Mehdi Xalgəldinin kimliyini müəyyən etmək mümkün olub. İbrahim Rəisi İranın prezidenti postuna yiyələndikdən sonra edamların sayı kəskin artıb. Belə ki, ötən ilin eyni dövrü ilə müqayisədə Tehran hökuməti edam cəzalarının icrasına görə dünyada rekord qırıb. Qeyd edək ki, İranda icra edilən edam cəzalarının 88%-i barədə rəsmi açıqlama verilmədiyi üçün hüquq müdafiəçiləri bunu “gizli edamlar” adlandırırlar. Buna görə də, ölkədə həyata keçirilən edamların rəsmi statistikada göstərildiyindən dəfələrlə çox olduğu güman edilir.
İranda daha 10 məhbus edam edildi
