“Fiqaro” qəzetinin yazdığına görə, bu barədə açıqlama İŞİD-in təbliğat saytlarında yerləşdirilib. Açıqlamada 20 nəfərin öldürüldüyü, 20 nəfərin də yaralandığı bildirilir.
Xatırladaq ki, ötən gün Şirazdakı Şahçıraq ziyarətgahında terror aktı törədilib. 3 silahlı şəxsin ziyarətgaha hücumu zamanı 15 nəfər ölüb, 40 nəfər yaralanıb.
İran rəsmiləri öncə hücum edənlərin 3 nəfər olduğunu, ikisinin saxlanıldığını, birinin axtarıldığını iddia etsələr də, sonradan yayılan videolarda ziyarətgaha bir nəfər silahlının girdiyi məlum olub.
İran rəsmilərinin hadisə ilə bağlı zidiyyətli məlumatları terror əməli ilə bağlı müxtəlif ehtimalların irəli sürülməsinə və şübhələrin yaranmasına səbəb olub.