İranın Gilan əyalətinin Səravan bölgəsində iki həftədir keçirilən etiraz aksiyalarının davamında aprelin 28-də növbəti aksiyada qarşıdurmanın qarşısını almaq üçün polis və təhlükəsizlik məmurlarına gül verən qadın etirazçılar döyülüb, onlarla qadın isə həbs olunub.
Gilan əyalətinin Polis İdarəsinin rəis müavini Fərsad Rəsulzadə həbsləri təsdiq edib və bunun əyalətin məhkəmə və prokurorluğunun qərarı əsasında həyata keçirildiyini bildirib.
Sosial media fəallarının yaydıqları videolardan hökumət məmurlarının etirazçılara qarşı zor tətbiq etdiyi və onları dağıtmaq üçün havya atəş açdıqları, gözyaşardıcı qazdan istifadə etdikləri görünür.
Qeyd edək ki, bir neçə həftə bundan öncədən Səravan bölgəsinin əhalisi antisanitar tullantıların meşə sahəsində basdırılmasına və neçə illərdir məişət tullantılarının bölgəyə daşınmasına etiraz edib, məişət tullantılarını daşıyan maşınların bölgəyə girişinin qarşısını alıblar.
Yerli məsullar əhalinin dinc etirazlarını təxribata cəhd kimi qələmə verib və problemin həlli əvəzinə bir neçə etirazçını həbs ediblər.
Bundan sonra etirazlar dahada kütləviləşdiyi üçün hökumət bölgəyə əlavə pols və silahlı qüvvələr cəlb edib, onlarla etirazçı tutulub və barələrində qondarma ittihamlarla cinayət işi açılıb.
