Daha çox hücumların qarşısını almaq və tarazlıq yaratmaq üçün İran rejimi dəstəklədiyi proksi qruplaşmaları və ya kəşfiyyat agentləri vasitəsilə dolayı əks-hücumlarını artırıb. Bununla yanaşı, İranın kəşfiyyat qurumları da mümkün sui-qəsdlərin qarşısını almaq üçün geniş tədqiqatlara başlayıblar. Hərçənd ki, bu araşdırmaların indiyə qədər heç bir nəticəsi olmayıb.
Bu peşəkar və yüksək səviyyədə təşkil olunmuş sui-qəsdlərin sayının artması hədəfləri artıq nüvə obyektləri və elm adamları ilə məhdudlaşmayan, eyni zamanda SEPAH komandanlarının da yer aldığı İsrailin strategiyasında köklü dəyişiklikdən xəbər verir.
Üstəlik, onlar məqsədi təkcə İranın nüvə ambisiyalarını, müdafiə gücünü yaxud bölgədəki düşmənçilik siyasətini məhdudlaşdırmaq deyil, İran rejiminin acizliyini və bacarıqsızlığını göstərmək, rejimin daxildə etibarlılığına və legitimliyinə mümkün qədər böyük ziyan vurmaqdır.