İran

İranın sənaye naziri ticarət əlaqələrini gücləndirmək və yeni hədəf bazarları müəyyən etmək üçün Ermənistana səfərə gedir

İranın sənaye, mədən və ticarət naziri ölkəsinin qonşu dövlətlərlə ticarət və iqtisadi əlaqələrini sadələşdirmək məqsədilə xarici səfərlərinin davamı olaraq bu həftə iranlı biznesmenlərdən ibarət nümayəndə heyətinin müşayiəti ilə Ermənistana səfər edəcək.

İranın sənaye, mədən və ticarət naziri ölkəsinin qonşu dövlətlərlə ticarət və iqtisadi əlaqələrini sadələşdirmək məqsədilə xarici səfərlərinin davamı olaraq bu həftə iranlı biznesmenlərdən ibarət nümayəndə heyətinin müşayiəti ilə Ermənistana səfər edəcək.

“Aznews tv” xəbər verir ki, ötən il İranın Kiçik Sənaye və Sənaye Şəhərcikləri Təşkilatı ilə Ermənistanın İnvestisiyaya Dəstək Mərkəzi arasında Anlaşma Memorandumu imzalanıb. Habelə İrəvanda İranın istehsal və sənaye imkanlarını nümayiş etdirən ilk sərgi keçirilib, sərgidə İran şirkətləri fəal iştirak ediblər.

İranın Avrasiya Ticarət İttifaqına daxil olmasından sonra İranın Ermənistanla xarici ticarətində əhəmiyyətli artım müşahidə olunub. Ermənistan bazarı İranın xüsusilə qida, məişət texnikası və quru meyvə sahəsində fəaliyyət göstərən kiçik və orta ticarət müəssisələri üçün xüsusi fürsət sayılır.

Ermənistan sənayesinin İranla sənaye əməkdaşlığına ciddi ehtiyacı var və bu yolla İran əlverişli mənfəət əldə edə bilər. Bu nəticəyə nail olmaq üçün fürsətlərdən vaxtında yararlanmaq lazımdır, çünki əks halda bu qonşu ölkədə İranı başqa dövlətlər və rəqiblər əvəz edəcək.

Qeyd edək ki, Qarabağın işğalı dövründə erməni işğalçılarına hər cür dəstək verən İran hökuməti indi də bütün gücünü işğalçı dövlətlə, özəlliklə iqtisadi və siyasi sahədə əlaqələri genişləndirməyə yönəldib. Son vaxtlar erməni və iranlı rəsmilərin və iqtisadi-ticarət nümayəndə heyətlərinin çoxsaylı qarşılıqlı səfərləri də bundan xəbər verir. İranın ağır sanksiyalara məruz qaldığı bir dövrdə Azərbaycan Prezidenti İlham Əliyevin Svop qaz layihəsinə İranı əlavə edərək, qonşu ölkənin də mənfəət əldə etməsi üçün əlindən gələni etməsinin qarşılığında isə rəsmi Tehran işğalçı Ermənistanla hərtərəfli münasibətləri genişləndirmək üçün bütün gücünü səfərbər edib.

Related Articles

Bir cavab yazın

Back to top button