İranın Ərbilə raket zərbəsini araşdırmaq üçün yaradılan İraq parlamentinin faktaraşdırıcı komitəsi yekun hesabatında İranın Ərbildə İsrail casus mərkəzinin olması ilə bağlı iddiasını təsdiqləyəcək heç bir dəlil-sübutun olmadığını bildirib.
Bu haqda məlumat verən İraq parlamentinin sədr müavini Şaxvan Abdullah deyib: “Faktı araşdıran komitənin hesabatında vurğulanır ki, İran endirdiyi raket zərbəsində ziyan vurduğu bütün şəxslərə kompensasiya ödəməlidir”.
Qeyd edək ki, martın 12-də şərqdən və İraq sərhədindən kənarda Ərbilə balistik raket atılıb. Hücumdan qısa müddət sonra SEPAH-ın ixtimaiyyətlə əlaqələr xidməti İsrailin Ərbildəki “strateji mərkəzi”nə raket zərbələri endirdiyini açıqlayıb.