Rusiyadan sonra Çin də İranla Qərbin atom razılaşması üçün şərt irəli sürüb
Rusiyanın ardınca indi də Çin Amerikadan İranın atom razılaşması üçün yazılı zəmanət istəyib.
“Aznews tv” xəbər verir ki, bu barədə danışıqlarda birbaşa iştirak edən iki çinli diplomatlar “Reuters” ajansına müsahibəsində deyiblər.
Onlar bildiriblər ki, rəsmi Pekin Vaşinqtondan İrana sanksiya tətbiq edəcəyi halda, şirkətlərinin bu ölkə ilə embarqolara məruz qalmadan ticari əlaqələr qura bilməsi üçün yazılı zəmanət istəyib.
Xatırladaq ki, təxminən bu cür tələbi bir neçə gün öncə Rusiyanın xarici işlər naziri Sergey Lavrov da irəli sürmüşdü. Beynəlxalq mətbuat orqanları onun bu sözlərini Vyanada aparılan atom danışıqlarına “qumbara atmaq” kimi dəyərləndirmişdilər.
